Faoin Bhratach Dhearg: aistí sóisialacha

dublin | anti-capitalism | event notice Thursday September 13, 2007 13:57 by Red Banner red_banner at yahoo dot com Bosca Poist 6587, Baile Átha Cliath 6

leabhar á sheoladh

Seolfar 'FAOIN BHRATACH DHEARG: aistí sóisialacha' in Connolly Books, Sráid Essex Thoir, Baile Átha Cliath ag 5.30 pm Déardaoin 20 Meán Fómhair

Fáilte roimh chairde uile na hirise

Tá an iris 'Red Banner' ag plé smaointe sóisialacha gan chuing gan cheangal ó 1997 i leith. Ní hé an chuid is lú den nuacht a bhain leis an iris riamh go saothraíonn sí saíocht an tsóisialachais i nGaeilge chomh maith le Béarla. Tá na haistí Gaeilge ó na chéad deich mbliana de 'Red Banner' cnuasaithe anseo.

Tugtar gnéithe dearmadta d’oidhreacht an tsóisialachais i nGaeilge chun suntais sa leabhar seo. Cíoraítear ceisteanna a bhaineann le stair lucht oibre na hÉireann. Pléitear fadhbanna géara an lae inniu ó ghéarchéim na timpeallachta go géarchéim an chóras sláinte. Cuirtear mórcheisteanna teoirice faoi dhíospóireacht. Tá léargas le fáil ar chúrsaí idirnáisiúnta i ré seo an domhandú.

Ní tráchtais fhuarchúiseacha na haistí seo, ach iarrachtaí díograiseacha an saol a thuiscint is a athrú, agus is fiú i gcónaí a leithéid a léamh go grinn.

Foilsithe ag Coiscéim i gcomhar le Red Banner